 |
|
|
|
|
Di Oschterzeit is jo jetz
schun rum, aber mir han jo in jedem Johr Oschtre. A jeder wees was Oschter is, un bedeit un wie mr feiert. Meischtens gehn dann aach di in der Kirich, die wu des ganzi Johr iber, nit gehn. Am grien Dunnerschta esse mr Spinat, am Karfreida faschte mr, es leide ke Glocke me und an Oschtre dann werd gut gekocht, gut gess un getrunk. Mir gehn maje, ba die Eldre, Freindschaft odr Nochber. So mach mr des do in Deitschland, un in Triebsweder wor`s aach so, un doch a anerscht, un viel scheener. Erschtens mol,han mir do gar nit frei ghat, mir sin scheen in di Arbeit odr Schul gang. Wann mr Glick ghat han, wore do grad Ferien. Am Sunda in die Kirich war a Muss for di Kiner, un iberhaupt for di, di in dem Johr di Oschter ghal han, weil no dr Mess han mr gewart bis de Dechant wieder raus kum is, mit sei Lischt un do hat er die Name vorgelest. Die wu do wore han "hier" gschrie und dann han mr neber m Name a Kreizl kriet, vum Pharre, un des war gut ! Der wu kens ghat hat, hat in dr nechschti Religionsstund nix zu lache ghat! De Dechant hat a kanne bees gin! Am grien Dunnerschta flieje di Glocke furt hat`s immer gheescht, un die han dann aach nie mer gelitt bis am Samschta. Na ja un dass die Triebswedrer wisse wann se zu Mitta, un zu Obed esse solle, un wann se uffstehn muse, sin die Bube retsche gang. Des war alles scheen ufgeteelt gin, so dass a in a jedi Gass een oder zwoi Retscher ware. Un des hat sich dann z. B. so anghorcht: "Trrr.Trrrrrrr…Ihr lieben Christen wir wollen Euch sagen, das kleine Glöcklein hat 12 geschlagen…..Trrrrrrrrrrr, Trrrrrrrrrrrrr! Dreimol am Taa is geretscht gin, am Morjets, am Mitta un am Obeds un dazu immer de passende Spruch. Retsche han nor di Bube derfe, di wu ihre Oschtre schun ghal ghat han, un bis in di 4-ti Klass. Is mr schun in die 5-ti Klass gang , war Schluß mit dr Retscherei. Am Samschta dann, wore di Glocke wieder vun Jersusalem zuruck gfloo kum un die Bube sin jetz vun Haus zu Haus "zammraffe" gang. Die Eier sin im Korb kum, un des Geld was se kriet han is in a Picks kumm, un am Obeds wie se fertig ware is alles scheen verteelt gin. Un des war so, dass sich die Bube vun mehreri Gasse zamm getu han un dann sin se ba a jedes Haus im Hof nin gang, han geretscht: " Trrrr, trrrrr, trrrrrrr!", bis di Hausleit raus kum sin…dann han se gsaa: |
||||
|
|
"Gelobt sei Jesus Christus! (des war de Gruss) Da
kommen die heiligen Buben, |
Dann
hat`s was gin, Geld un Eier, odr nor Geld, odr nor Eier. Zum Schluss hat`s gheescht:
|
|||
|
"Wir
danken für die Gaben, |
|||||
| De Oschter
Monda war dann" Mädl Netz" un am Dienschta "Bube Netz".
Am Monda han die Bube die Mädle mit Perfiem ingspritzt un am Dienschta han die Mädle di Bube ingspritzt. War dann des Perfiem alle, han mr mit Wasser weider gspritzt… Un weil mr jetz an di Oschter nur noch drieber rede wie es domols in Triebsweder war, han ich des ufgschrieb, dass es nit ganz vergesst git. |
|||||
|
|
|||||
| Marliese Wolf | |||||