www.baberjon.de

Net lang druf is die Kellnerin mitm Gradar un mit me volle Tippche angerickt kumm, stellt alles hin un geht. "Naja", saat die Wes Liss, "de Gradar eß ich - awr de Raki trink ich net!"
"Des is ke Raki!", hat der een Kowatschier gement, "des muß was Nowleres sin, do schwimmt etwas drin. "Jetz is der aner Kowatschier neigierich gin, hat in´s Tippche gschaut un fachmännisch gsaat, " Schaut aus wie Aierlikeer, nor etwas heller."
"Is mir alles ens", hat die Wes Liss ganz energisch gsaat, "Raki odr Aierlikeer odr sunscht was Neimodisches, ich trink ke Alkohol.! Trinkt ihr ne, es is bstellt un gezahlt!"
"Asndann" hat der een Kowatschier noginn un no dr Bierflasch gegriff, "dann trinkt ihr e Glas Bier zum Gradar un mir mache uns an de Raki, stehn losse mer nix!"
Er hat´s Tippche anghob un mit eem kräftiche Schluck die Hälft nunergejaat. Hats Gsicht etwas vrzoo un, ohni was zu saan, seim Kumrad die anner Halbscheid gin. Kowatschier Männer ferchte sich vor nix un des neimodisch Getränk wor verputzt!
"Brrr!"
"Hat´s net gschmeckt?" hat die Wes Liss gfroot.
"No Essich!"
"Nee, no Knowl", hat der erschti behaupt.
Dr Streit wor fertich!
Die Kellnerin hat misse bei. Die hat´s Urteil gsproch: "Mujdei de usturoi !" (Knowl in Essichwasser). Un so hat jeder recht ghat!
Was dr Schwob net kennt, des eßtr un trinktr net? Nee, des Sprichwort stimmt a nimmi.

		Aus:
S neimodisch Getränk Liewe Leit, s Lewe erfind doch die luschtichschte Gschichte, ihr kennt saan, was dr willt! Un was sich do ufm "700-Markplatz" zugetraa hat, is nor di Bestätichung for mei Behauptung. Ich geh dort täglich voriwer, un wann ich a grad nix inkaafe tu, schau ich mir de Mark an un red mit dene Weiwer un Männer, was do ihre Obst un Gemies ausgestellt han. Een Wort hin, ens her -mer heert immer was Neies!
Vetter Tontschi in 1974	Asndann, de Tontschi vun Triebswetter hat in dr Stadt zu tun ghat,un trefft ufm "700-Markplatz" sei Landsmann, de Vetter Pheder un dem sei Weib, s Lissi, was jetz in de Weingärter wohne un ihre Gemiese do vrkaafe. Iwrem Verzähle hat de Tontschi awr Hunger kriet un is ins Feschtungswertshaus for sich a "Gradar" zu bstelle - uf des hat sei Guschte gstan - oder han die grad nix anres ghat… Bevor die Kellnerin ihm awr des Esse gebrung hat, is de Schweizer Joschi mitm Motorrad ufgetaucht, for de Tontschi abhole - so wor die Abred. Weil´s Gschäft dringend un die Zeit knapp wor, also de Tontschi nimmi zum Esse is kumm, saatr zum Vetter Pheder seim Lissi: "Geh an mei Tisch un eß du de Gradar, ich kann ne doch nimmi absaan, er is a glei fertich. Kumm, ich fiehr dich hin. Hascht aa Gsellschaft, zwa Schwowe aus Kowatschi hucke am Tisch un trinke Bier." Die Wes Lissi hat sich net lang bitte geloß - schließlich wor Mittach nimmi weit - un hat sich an de Tisch ghuckt. De Tontschi hat noch schnell die Kellnerin avisiert un is mitm Joschi abgedampft.
Net lang druf is die Kellnerin mitm Gradar un mit me volle Tippche angerickt kumm, stellt alles hin un geht. "Naja", saat die Wes Liss, "de Gradar eß ich - awr de Raki trink ich net!" "Des is ke Raki!", hat der een Kowatschier gement, "des muß was Nowleres sin, do schwimmt etwas drin. "Jetz is der aner Kowatschier neigierich gin, hat in´s Tippche gschaut un fachmännisch gsaat, " Schaut aus wie Aierlikeer, nor etwas heller." "Is mir alles ens", hat die Wes Liss ganz energisch gsaat, "Raki odr Aierlikeer odr sunscht was Neimodisches, ich trink ke Alkohol.! Trinkt ihr ne, es is bstellt un gezahlt!" "Asndann" hat der een Kowatschier noginn un no dr Bierflasch gegriff, "dann trinkt ihr e Glas Bier zum Gradar un mir mache uns an de Raki, stehn losse mer nix!" Er hat´s Tippche anghob un mit eem kräftiche Schluck die Hälft nunergejaat. Hats Gsicht etwas vrzoo un, ohni was zu saan, seim Kumrad die anner Halbscheid gin. Kowatschier Männer ferchte sich vor nix un des neimodisch Getränk wor verputzt! "Brrr!" "Hat´s net gschmeckt?" hat die Wes Liss gfroot. "No Essich!" "Nee, no Knowl", hat der erschti behaupt. Dr Streit wor fertich! Die Kellnerin hat misse bei. Die hat´s Urteil gsproch: "Mujdei de usturoi !" (Knowl in Essichwasser). Un so hat jeder recht ghat! Was dr Schwob net kennt, des eßtr un trinktr net? Nee, des Sprichwort stimmt a nimmi.